GG_g: 2015

2015年11月30日星期一

《試用》Philosophy深層補濕高效嫩膚晚霜

皮膚一向敏感又長期缺水，選用護膚品一直都要比較小心。有一次用左隻大牌子，諗住正啦。點知可能太勁，皮膚受唔到，臉部又痛又熱又痕仲要甩皮搞到爛臉左成2個月，仲唔可以化妝。呢個philosophy深層補濕高效嫩膚晚霜，含有天然植物精華「再生草」及三種不同透明質酸。味道好fresh好清新。保濕既晚霜絕對可以大量搽上。比較乾既T zone 位同2邊臉頰可以重手d都唔怕。整體感覺良好亦都非常吸收,有助提升皮膚亮澤感及撫平細紋。仲可以增加皮膚嫩滑度。質地唔會太油，Philosophy深層補濕高效嫩膚晚霜絕對適合4季使用。

philosophy深層補濕高效嫩膚晚霜

開蓋後有還一個白色蓋吸住，可保持晚霜新鮮度。減少與空氣接觸。

含天然植物精華，味道非常清新。質地唔會太油。

搽上手巳經非常吸收。

保濕既晚霜絕對可以大量搽上。分開5部分點上。比較乾既T zone 位同2邊臉頰可以重手d都唔怕。

慢慢搽上臉部，大部分巳經比皮膚吸收左。

肌膚亮澤度提升了

絕對適合4季使用

以上產品由品牌及iTrial提供。

任何產品試用或出席event,歡迎聯絡GG :-

instagram ID: GG_TAM

Email: hoichi.gigi@gmail.com
theztyle: http://ggtam.theztyle.com Blogspot: http://ggtam.blogspot.hk/iTrial: http://itrial.hk/user/GG_g
BE: http://www.beautyexchange.com.hk/blog/GG_g

2015年10月7日星期三

《試用》黃金蛛絲4d拉提面膜及黃金蛛絲4d拉提精華

黃金蛛絲4d拉提面膜加上精華素除左可以拉提面部輪確之外，有薰衣草成分可以收細毛孔、改善魚尾紋、提亮膚色及去除角質層。黃金蜘蛛4d精華素含有氨基酸，可增強肌膚彈性。仲含有8 %蜘蛛絲可以明亮膚色，最重要有24k黃金微分子可以美白、撫平細紋及提升緊緻的功效。開始試用，先拿出蜘蛛精華素，用掃掃上精華，將精華搽滿全面，就可以敷上面膜。拿出面膜，而面膜分為兩部分，先敷上半臉再敷下半面，之後再於面膜之上不斷加上精華素至濕透為止，建議係腮位加重精華增強拉提效果。只要敷30分鐘就可以洗面，洗面後發現拉提效果不算太明顯。但係發現面部膚色比之前透白連細紋都有改善呢。

黃金蛛絲4d拉提面膜及黃金蛛絲4d拉提精華

黃金蛛絲4d拉提面膜

4d拉提精華素

支裝精華素上有一個安全制，要先將安全制拉下，先可以按下圓形開關制。按住開關制，精華便會流出。先用精華搽濕全面

面膜都含有蜘蛛絲，所以面膜非常貼薄。

面膜係乾身既好似張紙咁,當面膜遇上水份就會變成晶瑩狀

敷上面膜後,要係面膜之上再加上拉提精華,就可以加強拉提效果。濕透既面膜好似蜘蛛絲抓住面部。敷30分鐘就可以。

before / after 相

拉提效果唔算太明顯, 不過膚色變白,而細紋都有減淡呢

附上影片教學，第一次拍片請多多支持!

以上產品由品牌及iTrial提供。

任何產品試用或出席event,歡迎聯絡GG :-

instagram ID: GG_TAM

Email: hoichi.gigi@gmail.com
theztyle: http://ggtam.theztyle.com Blogspot: http://ggtam.blogspot.hk/iTrial: http://itrial.hk/user/GG_g
BE: http://www.beautyexchange.com.hk/blog/GG_g

2015年9月19日星期六

《試用》Nars 413 BLKR完美百搭胭脂霜

早前得到itrial既邀請黎到Nars中環新開既旗艦既間格非常鮮明, 所有產品分鋪得好清楚。今次黎到主要目的係可以得到香港無得賣嘅胭脂霜。

呢盒係兩色既胭脂係一淺一深既組合。一邊係近皮膚色既淺粉紅，而另一隻就係非常鮮豔既桃粉紅。

呢個胭脂組合令我非常興奮，因為顏色真係好靚，仲含有維他命E,可以保持皮膚既水分仲有抗氧化作用，可以係化妝既同時保護肌膚。淺色搽出黎果效果係健康膚色帶少少粉紅。而鮮艷桃粉紅色，顏色非常鮮艷，可愛感十足。2色胭脂實用性好高，任你點用。可以用其中一隻色或者溝色都得，溝色用仲可以增加層次感。
最後有一個小分享，如果大家想溝色用，最好用掃掃淺色先掃鮮色，就唔怕鮮色既色粉污染左個淺色。每次掃完色可以用紙巾抹走殘留係掃上既顏色，咁就唔怕2邊面會鴛鴦色。

呢個雙色胭脂，一隻係近皮膚色既淺粉紅，而另一隻就係非常鮮豔的桃粉紅色

試上手既效果

一盒仲可以變妝。日妝：可以以2比1既比例，先掃2下淺色再掃一下鮮色。晚妝：都係用2比1比例，不過今次係1下淺色再掃2下鮮色。

輕輕用手指彈下個掃柄先掃上臉

想打造成熟美，可以用掃由臉珠底部向上打斜掃去顴骨，咁就有埋瘦面效

襯埋nars呢個lip gloss，成個感覺巳經好精神。

多謝支持

以上產品由品牌及iTrial提供。

任何產品試用或出席event,歡迎聯絡GG :-

instagram ID: GG_TAM

Email: hoichi.gigi@gmail.com
theztyle: http://ggtam.theztyle.com Blogspot: http://ggtam.blogspot.hk/iTrial: http://itrial.hk/user/GG_g
BE: http://www.beautyexchange.com.hk/blog/GG_g

2015年7月3日星期五

【分享】暑假親子活動「冰上動感冰河世紀LIVE ! 香港站長毛象大冒險」音樂劇

一向都係動畫粉絲既我，大部份動畫我都有睇過。其中比較深印象一定係ICE AGE ，3集都有睇過架。今次仲有機會欣賞到 Ice Age Live表演呢。原來早於3年半前， Ice Age Live已經巡演超過30個國家，而香港將會係亞洲區巡演第一站。

「冰上動感冰河世紀LIVE! 香港站長毛象大冒險」絕對唔係動畫或卡通片，係結合音樂劇、驚險空中特技、精彩溜冰藝術，現場仲有3D超大螢幕配合全360度特技效果。會場變成巨大溜冰場，令 “冰河世紀”活見係眼前。

劇中主角們再次遇到前所未有的挑戰，又再一次完成任務。震撼既現場環境令大家可以感受到一場驚險刺激既冰河時代。屆時大家熟悉既主角們包括森仔、文輝、阿北同大阿哥等會係舞台上以喜劇、功夫、溜冰、空中表演、馬戲團等元素去帶出一個富有教育意義既音樂劇。

「冰上動感冰河世紀LIVE! 香港站長毛象大冒險」音樂劇將於7月23日至26日係香港亞洲國際博覽館Arena舉行。係演出期間，大會將於場館內設置益智攤位遊戲，比每一位父母同佢地既小朋友去欣賞呢個音樂劇既同時亦都可以係場館消磨時間, 從而享受家庭樂增進感情。「冰上動感冰河世紀LIVE! 香港站長毛象大冒險」音樂劇分別有粵語、英語及普通話等三種版本供觀眾於購票時選擇，絕對可以照顧到來至唔同地方既朋友。而粵語版更有星級配音陣容，包括蘇志威(聲演大亞哥) 、梁漢文(聲演阿北)、李燦森(聲演森仔)、鄭欣宜(聲演愛莉) 同應昌佑 (聲演文輝) 等，生鬼既演譯為呢個音樂劇加添唔少分數。