2016年12月30日 星期五

嘴唇好乾、甩皮，仲有唇紋同黑色素?? 一支精華就可以幫到你


因為一個驚喜送禮post，好開心可以贏到份好正嘅聖誕禮物。
有正嘢，梗係要分享比大家啦～


  
就係GENEheal 唇部再生修復精華。

潤唇膏一向係我生命嘅一部分。好誇張？真係無吹水。一年四季、無時無刻都要袋住支潤唇膏。朋友成日笑我係「食」潤唇膏。

冬天個嘴唇更加乾燥，又好易甩皮。加上成日化唇妝，搞到嘴唇嘅黒色素同唇紋越黎越勁。

GENEheal唇部再生修復精華成份天然👍

比潤唇膏更有效滋養及潤澤雙唇同唇部週圍嘅輪廓，可以減少細紋、乾燥脱皮、啞暗及治療乾裂唇肌仲有效減淡色素。

一盒有10支。

每支精華都係連住，「啪」開就可以。



頂部係飛機頭設計，只要扭3-4下就開到 (GIF file, pls click)

個開口倒轉就可以「吸」返埋 (GIF file, pls click)

唔好睇佢細細支，一支可以用到8-10日㗎。

獨立包裝嘅精華可以確保新鮮度。細細支，可以放係手袋拎出街用都好方便。

出街用可以薄薄地咁搽，當潤唇膏咁用。
夜晚訓覺之前就厚厚地鋪一層喺嘴唇上面，咁就可以當overnight mask咁敷住訓。

質地比較杰身，但搽上嘴一d都唔「笠」，好容易推開。


一搽上嘴就會形成透明保護層，完全無潤唇膏嘅黏「笠」感亦都唔會油到好似食完雞脾無抺嘴。

搽完即刻見到唇部柔軟豐盈，緊緻光澤，明顯平滑，迅速修復。

連續搽左2個星期，唇紋同色素都減淡左，嘴唇都無以前咁乾。終於唔駛再一日到黑都要搽潤唇膏喇。


多謝支持 ^^
《以上發表純屬個人分享》

以上產品由品牌提供。
https://www.facebook.com/GENEheal/

任何產品試用或出席event,歡迎聯絡GG :- 

張貼者： 於 沒有留言:

2016年12月14日 星期三

中女都可以變女神 ◤GENEheal 女神3寶◢



細細個果時就好想快d大個，大個左反而想做返小朋友。啱啱過左生日，又大一歲。不得不承認咁就踏入中女之年⋯人大左皮膚都差左，成日都好容易皮膚敏感。

 生日前就收到set正野。原來中女都可以變女神架～




法國GENEheal三週奇蹟瞬間亮澤嫩肌方案。成分天然，整套療程的主要美白成分有熊果素;可以有效抑制黑色素生長，達到美白效果。

 而其中獨有配方 - 啤酒花脂酸，有嫩膚功效。

 一套入面有3支產品:





1） Intensive White Expert Firming Serum深層亮膚緊緻療膚劑

整套療程中，呢支係最高美白嘅精華，除左含有美白功能，仲可以抑制黑色素生成，自然可以達到美白效果。




2）Gene White Reinforce Hydroelectric o Essence 因子亮白嫩膚精華

除左有美白成份，仲有保濕同鎖水功效。




3）Gene White Booster Therapy 因數嫩白推進療膚劑

特別加強配方中的荷荷巴油及單硬脂酸甘油酯，可以滲透角質細胞，有效保濕同抗氧化。當中所含的維生素 E可以修復皮膚、抗敏、抗炎、抗皺仲可以減少細紋。 



 用法:
只要係早晚潔面及化妝水後，先搽 #1再搽#2。呢2支全面連眼周圍都可以搽。

 最後搽上#3，呢支係最滋潤，較油。油性皮膚嘅朋友可以留返夜晚先用。不過又開始轉涼，天氣較乾燥。所以我早晚都有用。 做好護膚都唔好唔記得做好防曬，就可以隔絕紫外光。 

 

呢套係三個星期的療程。從細胞因⼦出發，可以徹底地咁將基因修復。咁就可以由底層靚到外。所以係唔止美白咁簡單~~




奇蹟黎喇!! 用到第三日就巳經見到毛孔緊緻左，皮膚滑左。

用左一個星期發現皮膚越黎越好，就算天氣變得乾燥，竟然連皮膚敏感的問題都唔見左呀!  因為用得一個星期，美白效果未算好明顯，但都見到雀斑開始變淡。



化妝前搽都無問題，搽完會更加貼妝。化妝仲無cake粉問題~

【 Beauty Square 美麗廣場 】有售


facebook : beauty.square66452360
instagram : beauty.square66452360
Whatsapp/Wechat/Tel : 6645 2360
九龍觀塘開源道63號福昌大廈13樓08室
(駱駝漆大厦正對面, 觀塘地鐵站B出口)




多謝支持 ^^
《以上發表純屬個人分享》

以上產品由Beauty Square及品牌提供。
https://www.facebook.com/GENEheal/
任何產品試用或出席event,歡迎聯絡GG :- 


張貼者： 於 沒有留言:

2016年11月5日 星期六

秋冬必備保濕神器@ASANA 一秒神奇面膜


無錯！早前巳經介紹過ASANA1秒神水。咁究竟點解一樣都要介紹多次？有咩新野？梗係有新野啦~


登登登凳！就係ASANA 一秒神奇面膜。不過唔係一塊mask 咁簡單，係一「粒」mask 。進入秋冬，皮膚都變得乾燥。呢set產品真係黎得合時。一盒神奇面膜有20粒。而神奇面膜嘅特別之處係夠平滑，敷完唔會甩到一面都係棉絲。吸水力強，防止養份揮發。


粒面膜好似粒糖咁，同5毫子咁上下大。經高壓壓縮同獨立包裝嘅神奇面膜就夠晒衛生方便。帶去旅行就最正~

點用法？
1. 浸透精華

首先卸好妝洗面後，打開一秒神水將樽蓋倒轉，將獨立包裝嘅一秒神奇面膜放入樽蓋內，倒出1格一秒神水浸濕面膜至膨脹。如果好似我咁皮膚太乾，敷左上面好快就乾，咁樣會令到皮膚反而被抽乾水份。所以我就要倒2格先夠，大家要因應皮膚狀況去控制分量。

2. 滲入肌底

將面膜打開，敷上面約15 -20分鐘，用無名指輕按面膜加強皮膚吸收精華。人人膚質唔同，好似我皮膚太乾好快就吸收晒，唔一定等到15-20分鐘。總之塊mask開始乾就要撕出黎。如果唔係就會由保濕變抽濕架喇。

3. 即時修復

敷完面，將面膜由下而上撕開。


記住唔好嘥左d精華。用雙手輕力拍打面部，咁樣就可以將精華徹底帶入肌底，之後用返日常護膚產品就可以。

長氣都要講多次。一秒神水含6種天然酵素成份。連敏感肌膚都可以用，一秒就可以滿足6個願望-美白、濕潤、亮澤、彈滑、收緊、淡紋。而將一秒神水注入神奇面膜，可以深層保濕同抗老化。精華直達肌底層，打開肌膚滲透管道，放大吸收能力，用其他日用品就可以加倍功效。



用左1個星期，發現用一秒神水再注入面膜比起就咁用神水更加保濕，皮膚更水嫩光亮。



連上妝都靚d，仲無咁易溶妝呢！


多謝支持 ^^
《以上發表純屬個人分享》

以上產品由iTrial及品牌提供。


張貼者： 於 沒有留言:

2016年10月23日 星期日

自家染髪無難度@「布丁染髮」

最近試左韓國大熱嘅「布丁染髮」～

之前上網睇過唔少blogger都有分享，評語有好有壞。等我都同大家分享下～


「布丁染髮」係咩？
其實當染髮劑溝好後，質地會形成布丁狀而命名。



而「布丁染髮」嘅賣點係顏色有別於一般市面嘅染髮劑。大部分都係新興同較特別嘅顏色，好似係matte look、奶茶色、炭灰綠同粉紅色咁。呢d色通常要去salon 漂左先做到。d顏色咁特別，仲唔駛漂喎。係咪都巳經燒到你呢？


今次試左Sandy Ash～
包裝上都有簡單嘅用法說明。盒上面有個狗牙位，一拉就開到。


值得一讚係配件超級齊備，除左有圍巾同手套外，仲有耳套。咁就唔怕D色整到耳仔都有，非常貼心。



說明書雖然係韓文，但睇公仔都大概明白用法～ 



將2支染髮劑一齊倒入提供嘅白盒內，然後搖勻。不過搖嘅時候千奇唔好上下咁搖，因為好易倒瀉。只要用手按住盒蓋同盒底，左右咁搖，搖到咁上下check 下。如果都仲係比較水狀，只要給返埋個蓋搖到變布丁狀就可以用。



 I am ready! 仲有御用technician😆

染完之後放係度等20-30分鐘就可以洗頭。

小貼士：
  • 如果好似我咁髮根生返幾寸出黎，有鴛鴦色。建議先染髮根，最後先成頭染。
  • 通常染髮後頭髮都會偏乾。洗髮後最好用埋附上嘅護鬆膜滋潤返頭髮。不過我短髮用晒成包都唔係好夠，長髪嘅朋友可以用返自己嘅護髮素一樣可以。
 常見問題：
1）上色嗎？
顏色雖然同包裝上有少少出入，但上色效果都算唔錯。原本髮根出返嘅黑色都可以遮到，無左鴛鴦色嘅問題。而髮質同髮色人人都唔同，染出黎嘅顏色都會有偏差。
2）傷頭髮嗎？
本身皮膚都較敏感，染左20分鐘左右開始覺得頭皮有d拿。所以我洗頭嘅時候唔用咁熱嘅水都就可以。
3）一盒夠唔夠用？
我短髮都足夠染晒成個頭。長頭髮可能買2盒穩陣d~
4）顏色襟唔襟？
顏色有少少越洗越淺色，但我染左近一個月，顏色唔算走得太遠。而髮根顏色都仲keep到。



呢個價錢同效果我會比70分。都值得再入貨呢😆

多謝支持 ^^
《以上發表純屬個人分享》
任何產品試用或出席event,歡迎聯絡GG :- 

張貼者： 於 沒有留言:
訂閱： 文章 (Atom)