【彩妝】公主般既胭脂@ Ladurée

一見到盒胭脂已經愛不釋手喇, 真係超靚。所以一直都唔捨得用呢。


Ladurée既化妝品7月先抵港, 而Ladurée既化妝品係由法國甜品店Ladurée 同日本Albion化妝品公司合作推出架~
外型高貴獨特, 以18世紀法國金碧輝煌的建築同服飾作為靈感。古銅色配上仿寶石浮雕設計, 設計華麗優雅, 好似宫廷入面公主用既化妝品咁。花瓣胭脂用磨沙透明珍珠外形既胭脂盒裝住, 而胭脂被壓成一片片玫瑰花花瓣, 感覺浪漫又精緻。 花瓣胭脂注入左大馬士革玫瑰同有機薰衣草等精華, 有保濕、抗氧化同抗炎既功效, 仲散發一陣陣清新的玫瑰香氣。

我買既係#02桃粉紅色, 顏色好sweet。見到第一個感覺除左覺得好華麗之外, 第二樣諗既就係究竟點用? 因為好驚整爛靚靚既花瓣, 真係唔知從何入手。寫分享文之前, 都有上網做下資料搜集睇下有無教學, 好可惜無。硏究左一輪比我諗到2個方法。
比大家睇下2種方法搽出黎既分別


方法1: 係要先將花瓣向下拎, 用食指同中指托住花瓣凹入既位置再用手指公輕輕咁按住, 咁就可以係花瓣面用掃打撗左右左右咁重覆掃上顏色, 之後輕輕掃上臉就可以。個感覺就soft D同自然D。



方法2: 都係要先將花瓣向下拎。 將凸起既一方向臉, 直接係臉上慢慢擦上顏色就可以。咁樣搽出黎既顏色會比較鮮明同實色D, 想soft D可以用掃係臉上輕輕blend開。



不過美中不足係”出色”度唔夠, 因為方法1我係重覆掃左起碼5次以上先有相中既效果。所以我先諗到方法2呢~

多謝支持

任何產品試用或出席event,歡迎聯絡GG :-

instagram ID: GG_TAM

Email: hoichi.gigi@gmail.com
theztyle: http://ggtam.theztyle.com
Blogspot: http://ggtam.blogspot.hk/iTrial: http://itrial.hk/user/GG_g
BE: http://www.beautyexchange.com.hk/blog/GG_g